Верный служитель на ниве Христовой, истинный пастырь и стойкий мученик, отдавший свою жизнь за Христа, протоиерей Макарий Фёдорович Квиткин родился 23 июля ст.ст. 1882 г. в семье благочестивых орских мещан Феодора и Евдокии. 1 августа Макарий был крещён в Михаило-Архангельской церкви г. Орска Оренбургской губернии. Боголюбивый отрок с ранних лет стремился в Божий храм, читал и пел на клиросе. Получив начальное образование, Макарий Фёдорович в 1900 г. окончил Орское городское училище и решил стать учителем. Во время преподавания в церковно-приходской школе он стремился к усовершенствованию педагогических навыков, повышал своё мастерство на курсах. Желание же всецело посвятить себя делу служения Богу и людям пришло к нему после окончания Оренбургских Епархиальных пастырских курсов.

Спустя немного времени после своей женитьбы на благочестивой девице Евфросинии Безносовой он подаёт прошение правящему архиерею, и желание благоговейного молодого человека было удовлетворено: Макарий Фёдорович начинает своё служение Церкви Христовой в с. Ново-Троицком Оренбургского уезда. В 1907 г. епископом Оренбургским и Уральским Иоакимом (Левицким) он был назначен псаломщиком в Александро-Невскую церковь с. Ново-Александровка Орского уезда. Здесь Макарий Фёдорович начал активную миссионерскую деятельность, укрепляя свои знания на миссионерских курсах и став членом Епархиального Комитета Православного Миссионерского общества.

В начале 1913 г. епископом Оренбургским и Тургайским Феодосием (Олтаржевским) Макарий Фёдорович был возведён в сан диакона и направлен на служение в с. Бердяш Орского уезда. В ноябре того же года «ради пользы службы» диакон Макарий был переведён в казачью станицу Наследницкую Верхнеуральского уезда. Через год, в августе 1914-го, усердного служителя направляют в Никольскую церковь пос. Верхне-Павловского (совр. села Нижняя Павловка Оренбургского района). За годы несения службы на этом приходе отец Макарий был рукоположен в сан священника (1917 г.) и встретил смутное время войн. Это и Первая мировая, когда на плечи священнослужителей выпало попечение о раненых воинах, забота о семьях, потерявших кормильца на передовой, сбор помощи для действующих войск. Это и насильственная смена власти, когда не принявшие революцию казаки восстали и разразилась Гражданская война, принесшая горе и разруху прихожанам-сельчанам. В это время отец Макарий во всей полноте проявил своё жертвенное служение Богу и людям, особо нуждающимся в тяжёлые годы в пастырском окормлении.

Естественно, это не осталось незамеченным враждебно настроенной новой пролетарской властью, и, под её давлением, в 1920 г. священник Макарий вместе с уже тогда многодетной семьёй переезжает в с. Первая Александровка современного Саракташского района Оренбургской области. В Александровке отец Макарий вновь ревностно берётся за возрождение духовной жизни среди измученных лихолетьем крестьян. Почти сразу по приезде он открывает молитвенный дом, где проводит регулярные богослужения. В 1924 г. – во время, когда многие храмы закрывались, отцу Макарию удалось построить небольшую деревянную церковь (впоследствии была разрушена). Для александровцев и жителей окрестных сёл батюшка стал светом веры и благочестия в тёмном царстве безбожия. Сельские жители смиренно прибегали к своему пастырю за душевным врачеством и помощью. Но и здесь враг рода человеческого не стал спокойно смотреть на процветание благочестия. В 1925 г. церковь закрывают, а отец Макарий с матушкой и пятью малолетними детьми вынужденно переселяется в Оренбург.

Управляющим Оренбургской епархией епископом Иаковом (Маскаевым), тоже прославленным Церковью в лике священномученика, отец Макарий был определён на место второго священника в большой трёхпрестольный храм преподобного Серафима Саровского г. Оренбурга.

Супруга и дети священника Макария вместе с ним терпеливо несли крест гонений и скорбей. Старшие сыновья Сергей и Владимир решили, несмотря на гонения, пойти по стопам своего отца. Сергей к тому времени уже служил псаломщиком в Иоанно-Богословском храме с. Чёрный Отрог, Владимир прислуживал правящему владыке Дионисию (Прозоровскому). Квиткины, как лишенцы гражданских прав социалистического общества, ютились в крохотной деревянной бане – единственном строении на земельном участке, приобретённом отцом Макарием, предполагающим в будущем построить жильё для семьи. По воспоминаниям сына Владимира, вся обстановка маленькой комнатушки состояла из печки, кровати, стола и сундука. Питались только подаянием сердобольных прихожан, которые, боясь преследований, тайком иногда приносили хлеб и картошку. Идя на богослужение в храм, отец Макарий и его дети постоянно подвергались нападкам со стороны пионеров, которые кидали в них песком или камнями. Служитель Христов учил своих детей мужественно переносить поношения и уповать во всём на Бога.

 

Когда 10-летний сын Владимир, поражённый скарлатиной, лежал несколько месяцев, не подавая никаких признаков жизни, отец Макарий провёл ночь в слёзной молитве о судьбе своего чада. И произошло чудо. В эту же ночь пришёл на помощь врач – давний знакомый священномученика, вернувший ребёнка к жизни, и вскоре исчезнувший так же неожиданно, как и появился.

В Серафимовской церкви отец Макарий очень быстро приобрёл всеобщую любовь прихожан. Подвижническая жизнь, безропотное терпение скорбей, мудрые наставления, кротость, незлобие и смирение вызывали у всех большое почтение к достойнейшему священнослужителю.

Известен случай, когда отец Макарий вымолил здоровье безнадёжному по приговору врачей мальчику, страдавшему лёгким помешательством ума. Два месяца священномученик посещал его в больнице, горячо прося Бога исцелить больного, и, к удивлению врачей, болезнь отошла. Мальчик вырос здоровым человеком, и мучившая его болезнь больше к нему не возвращалась.

 

Во время засилья обновленческого раскола священномученик Макарий стал принципиальным противником «живоцерковников», бескомпромиссно отстаивая истинность православия, чем ещё больше привлёк к себе единомышленников. Печально известная Декларация 1927 г. митрополита Сергия (Страгородского) о признании советской власти, молитве за неё Православной Церковью и высказывания его о том, что в Советском Союзе нет гонений на Церковь, вызвали настроение резкого неприятия его политики, по существу отвергающей исповеднический подвиг тысяч людей. Отец Макарий, как истинный ревнитель чистоты православия, испытавший не раз на себе и своих детях всю лживость и жестокость обещанного советского «светлого будущего», оказался среди оренбургского духовенства, отшатнувшегося от митрополита Сергия, и стал поминать за богослужением только Патриаршего Местоблюстителя митрополита Петра (Полянского), находившегося тогда в заключении. На этой почве у отца Макария с настоятелем храма – священником Алексием Сазановым возникли разногласия, и, по инициативе последнего, состоялось приходское собрание, на котором он намеревался либо подчинить несогласного клирика, либо изгнать его из церкви, обвинив в раздувании раскола. Отец Макарий объяснил верующим, что своей декларацией митрополит Сергий предал церковную правду, вступил в союз с безбожниками, врагами Церкви, поэтому он не может его поминать, чтобы не стать соучастником греха измены Церкви, и в этом причина их разногласий и невозможности совместного служения с отцом Алексием. Вопреки ожиданиям, большинством голосов отец Макарий был поддержан и поставлен настоятелем храма, а священник Алексий был исключён из причта. Впоследствии, увидев бесперспективность оппозиции перед лицом всё более беспощадных гонений, когда безбожники в лице сотрудников ОГПУ изощрённо изыскивали возможности для создания все новых и новых расколов, отец Макарий и другие оренбургские священнослужители вернулись к возношению имени митрополита Сергия за богослужением и отказались от критики его действий, как не могущей привести в тот момент к практическому результату: выработать общецерковное суждение по этому вопросу в то время не представлялось ни малейшей возможности.

После приходского собрания отца Макария начали периодически вызывать в «бдительные органы». Поводом для первого вызова стало то, что якобы под его настоятельством приход не платит «законного» обложения. При втором вызове его предупредили: если церковь не выплатит указанной суммы, то её закроют. Прихожане вместе с батюшкой всеми возможными способами старались сохранить от поругания святой храм, но это оказалось безрезультатным. В следующий приход в ОГПУ отцу Макарию заявили, что церковь всё равно закроют и предложили отречься через областную газету от Бога и священнического сана; признать себя человеком, «одурманивающим» людей «религиозным мракобесием». Взамен было обещано место учителя или даже директора школы. На это служитель Христов ответил категорическим отказом.
– Так ты сохранишь жизнь себе и своим детям! – внушали ему.

– Смерть мне не страшна, своих детей я вручаю воле Божией, а обет, данный мною Богу, я никогда и ни при каких обстоятельствах не нарушу! – дерзновенно отвечал новомученик.
И Господь не посрамил упования Своего верного служителя: все дети священномученика Макария выросли благочестивыми людьми.

Участь Серафимовской церкви была печальна: в начале 1920-х гг. во время повсеместного изъятия церковных ценностей она была нещадно разграблена, в 1930 г. под предлогом неуплаты непосильного налога её и вовсе закрыли, а затем подвергли разрушению. По распоряжению епископа Оренбургского Павла (Введенского) весной 1930 г. отец Макарий продолжил своё служение в Никольском форштадтском храме Оренбурга.

Священномученик Макарий смело продолжал бороться с беззакониями нового времени. Эмансипированное советское общество оказывало большое влияние на своих граждан: одни требовали от Церкви венчания своих новых беспорядочных сожительств, другие стали следовать моде так называемых «гражданских» браков. Отец Макарий категорически отказывался совершать венчание тех, кто оформил развод у гражданской власти и, вступив в новый брак, не отягощал себя обязательствами друг перед другом в брачном союзе. Таких супругов священномученик пытался обличить и вразумить, убеждая в сохранении чистоты и святости брака, как таинства, установленного Самим Богом. Впоследствии, когда отца Макария арестовали, зложелатели свидетельствовали против него, обвиняя в ограничении свободы советских граждан.

На тайных собраниях отец Макарий с собратьями-священниками и ревностными церковными деятелями обсуждали происходящие в стране гонения на Церковь, вели переписку и советовались по возникающим острым церковным вопросам с епископами-исповедниками и духоносными подвижниками, имеющими церковный авторитет; организовывали помощь ссыльным или находящимся в заключении за веру Христову, не оставляли в беде их семьи.

В полночь 21 января 1931 года сотрудники ОГПУ предъявили отцу Макарию ордер на арест и провели обыск, который продолжался до 4 часов утра: была изъята литература религиозного содержания. Перед уходом отец Макарий спокойно простился со своей семьей, благословил супругу и детей и покорно уехал на вольные страдания: он знал, куда его ведут, что его ждёт, и был готов к смерти за Христа.

В январе 1931 года в Оренбургской области было арестовано 157 человек – 9 священников, 27 монахов и 121 мирянин. Всех арестованных обвинили в том, что они будто бы создали единую контрреволюционную религиозную организацию с центром и филиалами. «В филиалы входили, – писали следователи в обвинительном заключении, – в первую очередь церковники, фактически порвавшие общение с митрополитом Сергием на почве враждебного отношения к его “лояльной” политике по отношению к советской власти...» Отец Макарий и многие из обвиняемых отказались признать ложно воздвигнутое обвинение, ко всем им применялись нечеловеческие пытки. Но это не сломило их дух и веру в благой Промысел Божий. Это были в основном популярные среди верующих священники из Оренбурга и из разных районов края, а также стойкие истинные христиане, которые мешали новой власти. 26 марта 1931 года обвиняемых приговорили к различным срокам заключения, и среди них 36 человек – к расстрелу, в том числе и отца Макария. Трое из этой группы были расстреляны вскоре после приговора в ночь на 31 марта. Священник Алексий Сазанов привлекался по этому делу в качестве свидетеля; через 6 лет, в 1937 г., он тоже был арестован и расстрелян.

Матушка Евфросиния и дети отца Макария во всё время нахождения его под следствием регулярно носили ему в тюрьму передачи и с десятками других родственников находящихся в тюрьме заключённых часами ждали, когда администрация тюрьмы примет продукты и вещи. Но когда 4 апреля они принесли очередную передачу, её не приняли, ничего при этом не объяснив. Люди не разошлись, толпой сгрудившись у тюремных ворот, – и вот, в три часа пополудни, всех ожидающих отогнали от ворот тюрьмы и оттуда вывели группу узников – 33 человека: священников, монашествующих и мирян. Среди них шёл отец Макарий. Увидев жену и детей, он издали помахал им рукой – больше они не виделись.

Арестантов довели до здания ОГПУ, впустили внутрь, а бегущим за группой родственникам приказали идти домой, сказав, чтобы приходили завтра к 9 часам, и тогда им всё разъяснят. Некоторые не послушались и в ожидании кружили вокруг здания. Охранники сделали ещё несколько предупреждений, а затем устроили облаву, во время которой арестовали несколько человек. В их число попали матушка Евфросиния со старшей дочерью Ольгой, которых вместе с остальными задержанными продержали в подвале до утра. Затем всем родственникам выдали справки о смерти осуждённых в тюрьме и строго-настрого под страхом ареста запретили говорить о том, где они были и что видели. На вопрос матушки Евфросинии: «А где же тело моего мужа? Я хотела бы его похоронить», начальник, выдавший справку о смерти, выругался, сказав, что «нечего беспокоиться, его похоронит советская власть, как он заслужил перед ней», и приказал убираться, пока не поздно.

На основании постановления тройки при ПП ОГПУ по Средневолжскому краю от 31 марта 1931 года протоиерей Макарий Фёдорович Квиткин и с ним 32 человека были приговорены к высшей мере наказания – расстрелу. 5 апреля 1931 года, на праздник Входа Господня в Иерусалим, в половине пятого утра все они были расстреляны. Приговор был приведён в исполнение в специальной камере здания ОГПУ в Оренбурге. Тела казнённых были тогда же тайно вывезены и погребены в общей безвестной могиле на старом кладбище по современному проспекту Победы г. Оренбурга.

Весть об этом злодеянии, несмотря на все старания безбожников, передавалась верующими из уст в уста, и самые смелые из христиан приходили к братской могиле, поминали погибших, священнослужители, рискуя быть арестованными, совершали панихиды по расстрелянным. Со временем эта могила предалась забвению и сейчас неизвестно её точное расположение.

***

Вдове и детям священномученика Макария пришлось пройти через множество испытаний. Их нигде не брали на работу, лишили продовольственных карточек, как членов семьи «врага народа». Матушка распродала всё, что только можно было продать. От голодной смерти спасали обычные люди, которые, сами недоедая, тайком подкармливали семью убиенного священника. Несмотря на лишения, никто из семейства Квиткиных не отрёкся ни от веры в Бога, ни от своего отца. Старший сын Сергей, как церковнослужитель, подвергался гонениям, был в заключении.

Однажды, уже после гибели священномученика Макария, когда дети остались дома одни, в соседнем дворе начался пожар, и сильный ветер стал задувать искры во двор Квиткиных, заваленный сухой картофельной ботвой, которой они по бедности топили печь. Дети, испугавшись, встали перед иконами и усердно начали взывать к своему отцу, прося защитить их. Молитвами новомученика Господь сохранил тогда семью от этой беды.

 

 

В 2011 г. о чудесной помощи священномученика Макария свидетельствовал раб Божий Вадим из г. Оренбурга. Его престарелая мать, страдающая плохой памятью, во время отдыха на природе потерялась. Родственники заявили в полицию, сами долго, но безрезультатно искали. Возвращаясь домой по проспекту Победы мимо кладбища, он вспомнил, что здесь похоронен священномученик Макарий и со слезами стал молить святого о помощи. Едва он переступил порог дома, ему сообщили, что мама нашлась и с ней всё в порядке, а все радостно возблагодарили Бога и священномученика Макария за скорую помощь.  

 

На Юбилейном Освященном Архиерейском Соборе Русской Православной Церкви в августе 2000 г. по представлению Оренбургской епархии протоиерей Макарий Квиткин был прославлен в лике новомучеников Церкви Русской для общецерковного почитания. День его  памяти был установлен по дате мученической смерти – 5 апреля н.ст.

 

Настоятель Никольского храма в с. Нижняя Павловка Оренбургского района Оренбургской области иеромонах Анатолий (Жидков) так рассказывал о явлении ему во сне священномученика Макария в 2002 г.: «Некий муж входит в храм, служба заканчивается, народ выходит, ко кресту все приложились, а он ждёт, когда все выйдут, и мы остаёмся вдвоём. Незнакомец меня спрашивает:

– Вы здесь давно служите?
– 15 лет, практически, – отвечаю.
– А почему вы мне не молитесь?
– А Вы кто такой, почему мы должны Вам молиться?
– Я – священномученик Макарий Квиткин, служил в этом храме. Вам нужно написать мою икону, потому что хотя я и прославлен в Оренбургской епархии, но мне никто не молится здесь, – ответил святой и исчез».

Со времени написания иконы священномученика Макария в 2003 г. для нижнепавловского храма, этот образ несколько лет мироточил и благоухал. Чудеса исцелений от различных недугов по вере обращающихся в своих молитвах к священномученику Макарию совершаются и по сей день.

В 2007 г. была отслужена первая Литургия в новом храме, посвящённом священномученику Макарию Оренбургскому в с. Первая Александровка Саракташского района.

Святый священномучениче Макарие, моли Бога о нас!

Допущен к распространению Издательским советом Русской Православной Церкви
Присвоен номер Издательского совета -ИС Р15-423-1996
Автор: протодиакон Николай Терпугов, редактор Татьяна Тусина

Публикуется по изданию: Акафист священномученику Макарию Оренбургскому.  П. Саракташ: Свято-Троицкая Симеонова Обитель Милосердия: отдел по канонизации святых Оренбургской епархии, 2015.

 

Конда́к 1

Избра́нному земли́ Росси́йския страстоте́рпцу  Христо́ву во́ину о и́мени Иису́сове да́же до кро́ве подвиза́вшемуся, тще́ту земну́ю презре́вшему и того́ ра́ди венце́м побе́ды на Небесе́х увенча́нному, па́стырю до́брому, Мака́рию иере́ю принесе́м похвале́ние: при́зри ны́не, о́тче святы́й, на правосла́вныя лю́ди оте́чества твоего́, и испроси́ блага́я вре́менная и ве́чная на́м, любо́вию тебе́ зову́щим:

Ра́дуйся, священному́чениче Мака́рие, ве́рный дру́же Христо́в и о все́м ми́ре моли́твенниче.

 

И́кос 1

А́нгельскому немо́лчному славосло́вию прича́стник ны́не явля́ешися, о́тче святы́й Мака́рие: ты́ бо еще́ сы́й в телеси́, о сла́ве Госпо́дней ре́вностию пла́менною испо́лнен показа́лся еси́, и да́же до после́дняго издыха́ния своего́ Христа́ Иису́са распя́таго пред безбо́жными враги́ испове́дати не устраши́лся еси́. Сего́ ра́ди приими́ от на́с похвалы́ сицевы́я:

Ра́дуйся, Бо́гом Вы́шним, созда́вшим тя́ по о́бразу Своему́, в подо́бие Его́ пресла́вно возведе́нный;

ра́дуйся, рабо́м благи́м и ве́рным от Него́ досто́йно нарече́нный.

Ра́дуйся, я́ко терпе́нием тесноты́ и лише́ний, Христу́, не име́вшему где́ главы́ подклони́ти, уподо́бился еси́;                        

ра́дуйся, я́ко Распя́тому на́с ра́ди на Дре́ве Кре́стнем, сораспя́тися не отре́клся еси́.

Ра́дуйся, я́ко терпе́нию твоему́ а́нгели удиви́шася;

ра́дуйся, я́ко незло́бием твои́м де́рзость мучи́телей низложи́ся.

Ра́дуйся, я́ко вре́меннаго ра́ди заключе́ния во узи́лище на земли́, врата́ Небе́сная тебе́ отверзо́шася;

ра́дуйся, я́ко вме́сто мра́ка темни́чнаго, невече́рняго дне́ сия́ние зре́ти ны́не сподобля́ешися.

Ра́дуйся, священному́чениче Мака́рие, ве́рный дру́же Христо́в и о все́м ми́ре моли́твенниче.

 

Конда́к 2

Прови́дя сла́ву Небе́сную, от Влады́ки Христа́ за и́мя Его́ пострада́ти хотя́щим угото́ванную, Богосло́в провеща́: «И́же приидо́ша от ско́рби вели́кия, и испра́ша ри́зы своя́, и убели́ша ри́зы своя́ в кро́ви А́гнчи: си́и су́ть пред престо́лом Бо́жиим и слу́жат Ему́ де́нь и но́щь в Це́ркви Его́, и Седя́й на престо́ле всели́тся в ни́х, и оты́мет Бо́г вся́ку слезу́ от о́чию и́х», да Подвигополо́жнику своему́ и Архиере́ю Вели́кому, в несконча́емыя ве́ки лику́юще, пою́т: Аллилу́иа.

 

И́кос 2

Ра́зум све́том Христо́вым, вся́каго челове́ка, гряду́щаго в ми́р просвеща́ющим, озаре́н име́л еси́, о́тче Мака́рие: ты́ бо от ю́ности еди́наго, е́же е́сть на потре́бу к жи́зни ве́чней, взыска́л еси́: возлюби́л еси́ селе́ние сла́вы Госпо́дни и красоту́ до́му Его́, в не́мже и са́м насажде́н бы́в, я́ко фи́никс процве́л еси́, и пло́д духо́вный во страда́нии свое́м стори́цею умно́жил еси́. Сего́ ра́ди вопие́м ти́:

Ра́дуйся, Мака́рие, величи́ю тезоимени́тый, вели́чие сла́вы Небе́сной чрез уничиже́ние земно́е обреты́й;

ра́дуйся, Ада́ма ве́тхаго тле́нность на нетле́ние во Христе́, но́вом Ада́ме, премени́вый.

Ра́дуйся, я́ко А́велевей чи́стей же́ртве подража́я, себе́ сама́го в же́ртву живу́ю Христо́ви принесы́й;

ра́дуйся, я́ко Но́ю пра́ведному подо́бяся, в хра́ме Бо́жием, а́ки в ковче́зе, от потопле́ния бу́ри жите́йския прему́дре сокры́лся еси́.

Ра́дуйся, я́ко со Илие́ю о сла́ве Бо́га И́стиннаго ревну́я, о исправле́нии наро́да твоего́ попече́ние неле́ностное име́л еси́;

ра́дуйся, со Иереми́ею се́туя, слеза́ми мно́гими о уничиже́нии и разоре́нии хра́мов Бо́жиих рыда́л еси́.

Ра́дуйся, я́ко Маккаве́ом поревнова́в, преще́ния мучи́телей не устраши́лся еси́;

ра́дуйся, я́ко Крести́телю после́дуя, во вну́треннюю пусты́ню се́рдца твоего́ от собла́знов ми́ра всели́лся еси́.

Ра́дуйся, священному́чениче Мака́рие, ве́рный дру́же Христо́в и о все́м ми́ре моли́твенниче.

 

Конда́к 3

Си́ла Вы́шняго в не́мощи челове́честей вои́стину соверша́ется: не в си́ле ко́нстей восхо́щет, но в боя́щихся Его́ де́йствует, е́же от вся́каго пути́ лука́ва возбрани́ти нога́ма и́х. Те́мже не на си́лу меча́, но на десни́цу Госпо́дню упова́ние возложи́в от шата́ния ми́ра лука́ваго сохране́н бы́л еси́, и осужде́ния с те́м избе́гл еси́, о́тче Мака́рие. Сего́ ра́ди на Небесе́х ны́не Спаси́теля своего́ прославля́я, зове́ши: Аллилу́иа.

 

И́кос 3

Име́яй бога́тство милосе́рдия и вся́ на по́льзу на́м устроя́яй, Всеблаги́й Бо́г коему́ждо челове́ку вре́мя и ме́сто жития́ земна́го прему́дре определи́л е́сть, да ве́рнии вси́ в терпе́нии кре́ст сво́й поне́сше, ко спасе́нию ве́чному благоприя́тно дости́гнут. Та́ко разуме́я, ты́, о́тче Мака́рие, никогда́же в ско́рбех мно́гих возропта́л еси́; оба́че отовсю́ду напа́стьми и треволне́нии обдержи́м сы́й, вся́чески благодаре́нию и стра́ху Бо́жию поуча́лся еси́. Сего́ ра́ди восхваля́ем тя́ си́це:

Ра́дуйся, благоче́стивыми роди́тели свои́ми во стра́се Бо́жием, е́же е́сть прему́дрости нача́ло, наста́вленный;

ра́дуйся, боже́ственнаго Писа́ния словесы́, а́ки водо́ю живо́ю, из рая́ теку́щею, сла́дце напое́нный.

Ра́дуйся, я́ко возлюби́вшаго тя́ до сме́рти Кре́стныя Христа́ от пеле́н младе́нческих преи́скренне возлюби́л еси́;                  

ра́дуйся, я́ко изде́тска во́зраста во хра́ме Госпо́дни, а́ки птене́ц во гнезде́ Орла́ Небе́снаго, воспита́нный.

Ра́дуйся, к стяжа́нию бога́тства крадо́маго и тле́ющаго се́рдца своего́ ника́коже прилепи́вый;

ра́дуйся, я́ко в ми́ре живы́й, мирски́ми пристра́стии не плени́лся еси́.

Ра́дуйся, я́ко слу́жбы уго́дником Бо́жиим воспева́я, путя́м и́х пра́вым прему́дренно поуча́лся еси́;

ра́дуйся, я́ко за́поведи Госпо́дни свя́то соблюда́я, с супру́жницею и ча́ды свои́ми дома́шнюю це́рковь соста́вил еси́.

Ра́дуйся, священному́чениче Мака́рие, ве́рный дру́же Христо́в и о все́м ми́ре моли́твенниче.

 

Конда́к 4

Бу́рю крепча́йшую воздви́же на Це́рковь Бо́жию и святы́х ея́ вра́г вселука́вый, возмне́в до конца́ хра́мы Госпо́дни разори́ти и святы́ни и́х поруга́нию преда́ти; оба́че ничто́же успе́: Вы́шний бо не в рукотворе́нных хра́мех живе́т, но ду́ши ве́рных рабо́в Свои́х во хра́мы Себе́ устроя́ет, да непреста́нно вопию́т Ему́: Аллилу́иа.

 

И́кос 4

Слы́ша в души́ своей ти́хий гла́с Бо́жий, призыва́ющий тя́ на де́лание в виногра́д Его́, не заме́длил еси́, но с ра́достию на стезю́ по́двига духо́внаго устреми́лся еси́, о́тче Мака́рие: ты́ бо, са́на свяще́нническаго и́го на себе́ прие́мый, зало́га благода́ти, тебе́ вруче́ннаго, ника́коже посрами́л еси́; сего́ ра́ди от благода́рныя па́ствы твоея́ приими́ похвалы́ сицевы́я:

Ра́дуйся, я́ко в хра́ме у престо́ла Бо́жия предстоя́, не усты́ то́кмо, но се́рдцем чи́стым Херуви́мскую пе́снь воспева́л еси́;

ра́дуйся, я́ко по глаго́лу моли́твенному, пред лице́м Госпо́дним вся́кое попече́ние жите́йское отлага́л еси́.

Ра́дуйся, я́ко де́нно и но́щно моли́твою и богомы́слием се́рдце твое́ исполня́л еси́;

ра́дуйся, я́ко словесы́ Ева́нгельскими, а́ки еле́ом Небе́сным, па́ству твою́ врачева́л еси́.

Ра́дуйся, я́ко Те́лом и Кро́вию Еди́наго Свята́го насыща́яся, благода́тию Бо́жиею, а́ки желе́зо во огни́, распаля́лся еси́;

ра́дуйся, я́ко Христу́, во смире́нии ученико́м но́зе умы́вшему, подража́я, и ты́ бли́жним свои́м служи́ти не возгнуша́лся еси́.

Ра́дуйся, среди́ но́щи зло́бы людски́я светолу́чною мо́лниею просия́вый;

ра́дуйся, я́ко А́гнец же́ртвенный уготовля́я, себе́ сама́го к заколе́нию му́ченическому приугото́вил еси́.

Ра́дуйся, священному́чениче Мака́рие, ве́рный дру́же Христо́в и о все́м ми́ре моли́твенниче.

 

Конда́к 5

Богогла́сная свире́ль уста́ твоя́ бя́ху, о́тче Мака́рие, егда́ ты́ во вре́мя и без вре́мени, небоя́зненно Бо́га Сло́ва, на́с ра́ди челове́к и на́шего ра́ди спасе́ния с Небе́с сше́дшаго, в слу́х лю́дем пропове́дал еси́, науча́я все́х, победи́вшему ми́р Спаси́телю на́шему пе́ти с тобо́ю ра́достно: Аллилу́иа.

 

И́кос 5

Ви́деша лю́дие Бо́жии дерзнове́ние и ре́вность твою́, я́же по Го́споде Вседержи́тели, в сла́дость слове́с твои́х послу́шаху, и доброде́телем твои́м подража́ти тща́хуся. Те́мже и мы́, в житии́ твое́м слове́с Ева́нгельских исполне́ние разуме́вше, со умиле́нием взыва́ем тебе́ си́це:

Ра́дуйся, нището́ю теле́сною искуше́нный, и того́ ра́ди блаже́нство нищеты́ духо́вныя позна́вый;

ра́дуйся, о лише́нии бога́тства тле́ющаго не скорбе́вый, но о сокро́вищи, в Небесе́х сокрыва́емем, при́сно воздыха́вый.

Ра́дуйся, стра́нник и пришле́ц, пу́ть земли́ проше́дый, кро́тости ра́ди в насле́дие го́рняго Иерусали́ма достиги́й;

ра́дуйся, а́лчбу и жа́жду теле́сную претерпе́вый, Хле́бом Жи́зни и Питие́м Безсме́ртия – Те́лом и Кро́вию Христо́вою – от гла́да духо́внаго сохране́нный.

Ра́дуйся, бли́жних свои́х зде́ ми́луя, на небесе́х ми́лость Бо́жию обреты́й;

ра́дуйся, се́рдце свое́ от собла́знов ми́ра сего́ чи́сто соблюды́й, и ны́не не я́ко в зерца́ле, но лице́м к лицу́ сла́ву Бо́жию созерца́еши.

Ра́дуйся, среди́ сму́ты междоусо́бныя лю́ди преде́рзыя умиря́ти тща́выйся, от Миропода́теля Емману́ила миротво́рец нарече́нный;

ра́дуйся, любве́ ра́ди ко Христу́ из до́ма своего́ изгна́нный, и блаже́нства ве́чнаго насле́дие стяжа́вый.

Ра́дуйся, священному́чениче Мака́рие, ве́рный дру́же Христо́в и о все́м ми́ре моли́твенниче.

 

Конда́к 6

Пропове́дник Бо́га Сло́ва воплоще́ннаго и во у́зах темни́чных неустраше́н яви́лся еси́, о́тче Мака́рие: в то́й бо ча́с даде́ся тебе́ от Ду́ха Бо́жия сло́во, ему́же не можа́ху проти́витися мучи́телие; оба́че, я́ко а́спид глухи́й, у́ши своя́ закрыва́ху и му́дрости Небе́сныя, от тебе́ изрече́нныя, не разумева́ху и с тобо́ю Зижди́телю своему́ пе́ти не можа́ху: Аллилу́иа.

 

И́кос 6

Возсия́ тебе́, блаже́нне Мака́рие, све́т слове́с Христо́вых: «Вся́к, и́же а́ще испове́сть Мя́ пред челове́ки, и Сы́н Челове́ческий испове́сть его́ пред а́нгелы Бо́жиими, а отверги́йся Мене́ пред челове́ки, отве́ржен бу́дет пред а́нгелы Бо́жиими». Си́х слове́с и́стину непрело́жную, в прославле́нии твое́м соверше́нную, зря́ще, мо́лим тя́, о́тче святы́й: сея́ блаже́нныя сла́вы прича́стники и на́с сотвори́, си́це восхваля́ющих тя́:

Ра́дуйся, от Христа́ Иису́са сладча́йшаго отрече́нием жи́знь вре́менную себе́ купи́ти не восхоте́вый;

ра́дуйся, бла́га земна́я превы́ше служе́ния Бо́гу и Це́ркви Его́ не поста́вивый.

Ра́дуйся, го́рьким сове́том фарао́на но́ваго, пе́рвенцы Це́ркви Христо́вы погуби́ти тща́щагося, пренебреги́й;

ра́дуйся, убива́ющих те́ло и ктому́ не могу́щих ли́шше что́ сотвори́ти, не убоя́выйся.

Ра́дуйся, со и́же от ве́ка страстоте́рпцами, А́гнцу, на Престо́ле сла́вы Седя́щему, в ри́зах бе́лых предста́ти сподо́бивыйся;

ра́дуйся, я́ко ю́ношам, в пещи́ Вавило́нстей Бо́га просла́вившим, пе́ния соприча́стник показа́лся еси́.

Ра́дуйся, я́ко Дании́лу, в ро́ве льви́ном крестообра́зно ру́це просте́ршему, сла́вы Кре́стныя спокло́нник яви́лся еси́;

ра́дуйся, я́ко не истука́ном ханаа́нским, но Бо́гу и́стинному на вся́к де́нь же́ртву хвале́ния возноси́л еси́.

Ра́дуйся, священному́чениче Мака́рие, ве́рный дру́же Христо́в и о все́м ми́ре моли́твенниче.

 

Конда́к 7

Хотя́й долготерпели́вый Всеви́дец Госпо́дь наивя́щшею сла́вою ве́рныя Своя́ рабы́ украси́ти, сквозе́ о́гнь и во́ду муче́ний в поко́й Небе́сный ты́я изве́л еси́: да вма́ле нака́зани бы́вше, вели́кими благоде́тельствовани бу́дут, и в ра́дости Ца́рства Бо́жия во ве́ки воспою́т: Аллилу́иа.

 

И́кос 7

Ди́вно и неудо́бь разумева́емо неве́рным бы́сть житие́ твое́, о́тче Мака́рие: а́ки бо со́лнце, в полу́дни заше́дшее, зри́шися, свя́тче Бо́жий, ско́рое тече́ние, е́же на сме́рть во́льную Христа́ ра́ди, соверша́я. Те́мже приими́ от на́с похвалы́ сия́:

Ра́дуйся, дово́льством мирски́м и ку́плями жите́йскими не обяза́выйся, да к Небе́сному во́инству сопричте́н бу́деши;

ра́дуйся, кро́тостию и незло́бием свои́м проти́ву духо́в зло́бы победоно́сец яви́выйся.

Ра́дуйся, страсте́м Христо́вым благода́рно покланя́выйся, по́слежде ча́шу страда́ний за И́мя Его́ испи́ти сподо́бивыйся;

ра́дуйся, ри́з свяще́ннических совлече́нный, в ри́зу раздра́нную за пору́ганнаго на́с ра́ди Христа́ облеки́йся.

Ра́дуйся, я́ко у́зы темни́чныя а́ки по́ручи но́вые к служе́нию Бо́гови восприял еси́;

ра́дуйся, я́ко пи́ща жесто́кая и ску́дная ны́не в сла́дость пи́щи нетле́нныя тебе́претвори́ся.

Ра́дуйся, я́ко ушеса́ твоя́, клеветы́ и хуле́ния слы́шавшия, а́нгельскаго пе́ния святы́ми гла́сы наслади́шася;

ра́дуйся, я́ко те́ло твое́, боле́зни и я́звы бие́ния претерпе́вшее, в прише́ствие Госпо́дне нетле́нною сла́вою безсме́ртия и красоты́ облече́тся.

Ра́дуйся, священному́чениче Мака́рие, ве́рный дру́же Христо́в и о все́м ми́ре моли́твенниче.

 

Конда́к 8

Стра́нно и неизглаго́ланно е́сть суде́б Бо́жиих та́инство: ели́ко бо отстои́т Не́бо от земли́, та́ко отстои́т Его́ пу́ть от путе́й на́ших, и размышле́ния на́ша от мы́сли Его́. Сего́ ра́ди диви́мся: ка́ко пра́ведницы непови́ннии, и́хже ве́сь ми́р не бе́ досто́ин, от сыно́в беззако́ния му́чими и умерщвля́еми бя́ху́ Не мо́жем ума́ на́шего ску́достию похвалы́ досто́йныя судьба́м Про́мысла Его́ возда́ти; оба́че избра́нным страстоте́рпцем Его́ подража́ти тща́щеся, пе́ти дерза́ем: Аллилу́иа.

 

И́кос 8

Все́ми вы́шними и ни́жними влады́чествуяй Госпо́дь, зря́ в тебе́, о́тче Мака́рие, ве́ру кре́пкую, наде́жду несумне́нную и любо́вь и́стинную, моли́твы твоя́ вы́ну слы́шаше и проше́ния ско́ро исполня́ше: о́трока бо, рассу́дком омраче́ннаго исцели́, и сы́на твоего́, неду́гом тя́жким одержи́ма и на одре́ сме́ртнем лежа́ща, нежда́нною по́мощию ско́ро воздви́же. Мы́ же ны́не, ве́дуще тя́ и по сме́рти жи́ва су́ща, и у престо́ла Бо́жия предстоя́ща, заступле́ния твоего́ про́сим, зову́ще:

Ра́дуйся, о́тче Мака́рие, свещу́ ве́ры правосла́вныя в души́ свое́й не угаси́вый;

ра́дуйся, я́ко свети́льник горя́й и светя́й, на све́щнице амво́на церко́внаго просия́вый.

Ра́дуйся, да́нный тебе́ от Го́спода благода́ти тала́нт в земли́ нераде́ния не сокры́вый;

ра́дуйся, вертогра́д души́ своея́ безсме́ртныя чистоты́ и пра́вды цве́ты нетле́нными насади́вый.

Ра́дуйся, в моли́тве ве́лие дерзнове́ние имы́й, небе́сную по́мощь боля́щим ско́ро подава́вый;

ра́дуйся, я́ко и по сме́рти заступле́ния твоего́ прося́щим помога́ти не преста́л еси́.

Ра́дуйся, я́ко сбы́стся на тебе́ сло́во проро́ческое: «пра́ведницы во ве́ки живу́т и в Го́споде мзда́ и́х»;

ра́дуйся, я́ко и мы́ по глаго́лу апо́столову до́браго наста́вника своего́ благода́рне воспомина́ем тя́.

Ра́дуйся, священному́чениче Мака́рие, ве́рный дру́же Христо́в и о все́м ми́ре моли́твенниче.

 

Конда́к 9

Все́м естество́м, все́ю кре́постию, все́м помышле́нием твои́м Го́спода Иису́са Христа́ возлюби́л еси́, о́тче Мака́рие: не то́кмо е́же в Него́ ве́ровати, но и е́же по Не́м страда́ти сподо́бился еси́, и победоно́сец пресла́вный яви́лся еси́, непреста́нно Бо́гу вопия́: Аллилу́иа.

 

И́кос 9

Вети́я всеми́рный и учи́тель язы́ков Па́вел богоглаго́ливый известву́ет, я́ко ни гла́д, ни нагота́, ни беда́, ни ме́ч, ни настоя́щая, ни гряду́щая не возмо́гут разлучи́ти от любве́ Бо́жия избра́нных Его́. Те́мже зако́нно подвиза́вся, угото́ванный тебе́ вене́ц пра́вды от возлю́бленнаго тобо́ю и тя́ возлюби́вшаго Иису́са прия́л еси́; и от на́с, убо́гих, приими́ похвалы́ сия́:

Ра́дуйся, в вертогра́де Бо́жием – Це́ркви святе́й – от пе́рваго часа́ неле́ностно потруди́выйся;

ра́дуйся, измла́да свети́льник души́ своея́ Христо́ви возжги́й, еле́ем ми́лости де́л благи́х не оскуде́вый.

Ра́дуйся, мытаре́во смире́ние от ю́ности возлюби́вый, и те́м се́ти горды́ни фарисе́йския избежа́вый;

ра́дуйся, я́ко среди́ но́щи неве́рия душе́ю бо́дрствуя, Небе́сному Домовлады́це во сре́тение устреми́лся еси́.

Ра́дуйся, иска́тель до́браго би́сера вои́стину бы́вый, Ка́мень драги́й – Христа́ цено́ю жи́зни вре́менныя стяжа́ти удосто́ивыйся;

ра́дуйся, я́ко се́мя ве́ры правосла́вныя во дре́во жи́зни ра́йския израсти́вый.

Ра́дуйся, две́ри серде́чныя Го́сподеви прера́достно отве́рзый, И́же к тебе́ прише́д, черто́г Сво́й тя соде́ла;

ра́дуйся, я́ко и на́с ле́ности и нераде́ния испо́лненных приме́ром свои́м ко бла́гу устремлятися поуча́еши.

Ра́дуйся, священному́чениче Мака́рие, ве́рный дру́же Христо́в и о все́м ми́ре моли́твенниче.

 

Конда́к 10

Спасти́ хотя́ ду́шу свою́ от а́да преиспо́днейшаго, во вну́треннюю кле́ть серде́чную затворя́лся еси́, о́тче Мака́рие, и Отцу́ твоему́, И́же вта́йне, моли́твы и воздыха́ния сле́зная на вся́к де́нь приноси́л еси́. Те́мже и Оте́ц Небе́сный, ви́дяй та́йная, воздаде́ тебе́ я́ве: вме́сто земны́х – небе́сная получи́л еси́; вме́сто бла́г тле́ющих – сокро́вище нетле́нное; вме́сто жития́ многоско́рбнаго и сме́ртнаго – безсме́ртное ра́дование в раи́ невече́рнем; иде́же ны́не лику́я, пое́ши благи́х Пода́телю: Аллилу́иа.

 

И́кос 10

Ца́рь Небе́сный, все́м челове́ком хотя́й спасти́ся и в позна́ние и́стины приити́, яви́ тебе́, о́тче Мака́рие, в юдо́ли се́й плаче́вней адама́нта тве́рда и непобеди́ма от лица́ си́лы вра́жия: ты́ бо сто́лп зло́бы богопроти́вныя небоя́зненно обличи́л еси́, и собла́зна – е́же от Христа́ отрещи́ся и жи́ву бы́ти – не послу́шал еси́; и та́ко дре́вняго зми́я искуше́ние попра́в и Ада́ма ве́тхаго отри́нув, восле́д Ада́ма но́ваго, взе́м Кре́ст, поте́кл еси́. Мы́ же, на по́двиг тво́й взира́юще, зове́м:

Ра́дуйся, среди́ единоплеме́нник свои́х, а́ки а́гнец кро́ткий среди́ волко́в лю́тых пожи́вый;

ра́дуйся, я́ко ра́ди осмеяния и досажде́ния непра́веднаго слеза́ми свои́ми на вся́к де́нь посте́лю омоча́л еси́.

Ра́дуйся, я́ко сле́зы о́ныя весе́лие ве́чное тебе́ исхода́тайствоваша;

ра́дуйся, я́ко терпе́ние слове́с укори́зны вре́менныя сла́дость глаго́лов неизрече́нныя ра́дости принесе́ тебе́.

Ра́дуйся, я́ко пра́веден сы́й, непра́ведному суду́ без стра́ха предста́л еси́;

ра́дуйся, я́ко в смерте́льней ско́рби души́ твоея́ Подвигополо́жника Христа́ терпе́ние воспомина́л еси́.

Ра́дуйся, я́ко а́нгелом храни́телем укрепле́нный, ча́шу страда́ний до конца́ испи́л еси́;

ра́дуйся, сою́зом Христо́вы любве́ все́м от ве́ка пра́ведником увязе́нный, и со о́неми во све́тлостех святы́х водвори́выйся.

Ра́дуйся, священному́чениче Мака́рие, ве́рный дру́же Христо́в и о все́м ми́ре моли́твенниче.

 

Конда́к 11

Пе́ние похва́льное Бо́гу со слеза́ми мно́гими раствори́ша бли́жнии, наипа́че же ча́да твоя́, о́тче Мака́рие, егда́ узре́ша тя́ от беззако́нных свя́зана и из до́ма во узи́лище мра́чное без вины́ влеко́ма; тогда́ все́ упова́ние свое́ на благу́ю во́лю Госпо́дню возложи́вше, во умиле́нии вси́ возопи́ша: Аллилу́иа.

 

И́кос 11

Светоза́рным умо́м твои́м предзря́ Небе́сную сла́ву, ю́же угото́ва Бо́г лю́бящим Его́, вся́ во уме́ты вмени́л еси́, да Христа́ приобря́щеши; руга́ния и бие́ния, мра́к темни́чный и мра́з, и мно́гая лю́тая претерпе́л еси́, о́тче Мака́рие; научи́ и на́с, малоду́шных и немощны́х, адама́нтовой кре́пости души́ твоея́ досто́йныя принести́ похвалы́:

Ра́дуйся, я́ко еще́ младе́нец сы́й, в креще́нии Христу́ спогребы́йся, последи́ же и все́ те́ло свое́ Его́ ра́ди на убие́ние преда́вый;

ра́дуйся, себе́ до конца́ отверги́йся, и взе́м Кре́ст, Христу́, Учи́телю своему́, после́довавый.

Ра́дуйся, ча́шу страда́ний, ю́же Сы́н Бо́жий подаде́ тебе́, испи́вый;                

ра́дуйся, я́ко кро́ток и смире́н сы́й се́рдцем, зло́бою неи́стовствующим мучи́телем не противоглаго́лал еси́.

Ра́дуйся, супру́жницу и ча́да своя́ в ру́це Бо́жии преда́вый, и те́м на Про́мысл Его́ всеблаги́й наде́жду несумне́нную показа́вый;

ра́дуйся, в терпе́нии лише́ний многообра́зных И́ову уподо́бивыйся, того́ ра́ди на Небесе́х ны́не с ни́м утеше́ния сподобля́ешися.

Ра́дуйся, благода́тию свяще́нства апо́столом прее́мниче, в труде́х жития́ и кончи́не до́блий те́м подража́телю;

ра́дуйся, я́ко и бра́тиям, с тобо́ю во у́зах су́щим укрепле́ние ве́ры, наде́жды и любве́ у Бо́га проси́л еси́.

Ра́дуйся, священному́чениче Мака́рие, ве́рный дру́же Христо́в и о все́м ми́ре моли́твенниче.

 

Конда́к 12

Благода́ть дана́ ти́ е́сть от Бо́га, свя́те Мака́рие, я́коже и дре́вним о и́мени Христо́ве подви́жником: неду́ги челове́ческия ми́лостивно цели́ти, стра́сти прогоня́ти, от ну́жды и печа́ли избавля́ти. Ту́не прия́л еси́ сия́ от Даропода́теля Бо́га, ту́не и на́м убо́гим по́мощь и вразумле́ние низпосли́, благода́рно Ему́ вопию́щим: Аллилу́иа.

 

И́кос 12

Пое́ши ны́не Святе́й Тро́ице пе́снь побе́дную, страстоте́рпче святы́й Мака́рие, пре́жняя бо вся́ мимоидо́ша: рыда́ние, жа́лость и го́ре и стра́х сме́ртный; претерпева́я же сия́, о убива́ющих тя́ моли́лся еси́. Сего́ ра́ди со дерзнове́нием ве́лиим ста́л еси́ пред лице́м озлобля́вших тя́, и по́двиги твоя́ презира́вших: мучи́телие бо твои́ ны́не ви́дяще тя́, смуща́ются стра́хом ве́лиим, и глаго́лют в себе́: «Се́й бе́, его́же име́хом не́когда в посме́х, и в при́тчу поноше́ния. Безу́мнии житие́ его́ вмени́хом неи́стово, и кончи́ну его́ безче́стну. Ка́ко вмени́ся в сыне́х Бо́жиих, и во святы́х жре́бий его́ е́сть?». Е́й, о́тче святы́й, непамятозло́бив сы́й, проле́й те́плую моли́тву о сына́х заблу́ждших Оте́чества на́шего, да приведе́т Госпо́дь все́х на́с на пу́ть ми́ра и братолю́бия, тебе́ же, засту́пнику на́шему и хода́таю, да научи́т пе́ти:

Ра́дуйся, пра́вды ра́ди изгна́нный, мзду́ трудо́в твои́х стори́цею на Небеси́ получи́вый;

ра́дуйся, за Главу́ Це́ркве – Христа́ пред мучи́тели и уби́йцы твои́ми главу́ во смире́нии преклони́вый.

Ра́дуйся, си́лою непобеди́мою свы́ше на бра́нь проти́ву си́л преиспо́дних препоя́санный;

ра́дуйся, победоно́сною сла́вою в вы́шних от Христа́ – Победи́теля сме́рти облече́нный.

Ра́дуйся, в кни́зе жи́зни у А́гнца Бо́жия наве́ки запечатле́нный;

ра́дуйся, невече́рняго дне́, иде́же Со́лнце Пра́вды сия́ет, достиги́й.

Ра́дуйся, олтаря́ Небе́снаго злата́я кади́льнице, фимиа́м моли́твы о на́с Бо́гу принося́щая;

ра́дуйся, я́ко моли́твами твои́ми храни́ми и наставля́еми, всежела́ннаго Ца́рства Бо́жия дости́гнути и мы́ гре́шнии упова́ем.

Ра́дуйся, священному́чениче Мака́рие, ве́рный дру́же Христо́в и о все́м ми́ре моли́твенниче.

 

Конда́к 13

О, всехва́льный и честны́й иере́ю, страстоте́рпче Христо́в Мака́рие! Ма́лое сие́ моле́ние, на́ми недосто́йными тебе́ от любве́ приноси́мое, любе́зно прие́м, о́бщее с тобо́ю на́ше Оте́чество от все́х неприя́зненных нападе́ний и вра́жиих наве́тов невреди́мо соблюди́, от гла́да и па́губы лю́ди изба́ви, ми́ру умире́ние испроси́, да ти́хое и безмо́лвное житие́ во благоче́стии и чистоте́ пожи́вше, непреста́нно благоде́ющему на́м Бо́гу хвале́бно зове́м: Аллилу́иа.

(Этот кондак читается трижды, затем 1-й икос и 1-й кондак.)

Тропа́рь, глас 3:

Це́ркве Ру́сския сто́лпе непоколеби́мый,/ благоче́стия пра́вило,/ жития́ ева́нгельскаго о́бразе,/ священному́чениче Мака́рие,/ Христа́ ра́ди пострада́вый да́же до кро́ве,/ Его́же моли́ усе́рдно,/ я́ко Нача́льника и Соверши́теля спасе́ния,/ Русь Святу́ю утверди́ти в Правосла́вии// до сконча́ния ве́ка.

Конда́к, глас 2:

Восхва́лим, ве́рнии,/ изря́днаго во свяще́нницех,/ и сла́внаго в му́ченицех Мака́рия,/ Правосла́вия побо́рника и благоче́стия ревни́теля,/ земли́ Ру́сския кра́сное прозябе́ние,/ и́же страда́нием Небесе́ дости́же/ и та́мо те́пле мо́лит Христа́ Бо́га// спасти́ся душа́м на́шим.

Моли́тва

О святы́й и всехва́льный уго́дниче Бо́жий, священному́чениче Мака́рие! Подвиза́вся в земли́ на́шей Оренбу́ржстей, де́лы благи́ми зело́ украси́лся еси́: моли́твою непреста́нною, труда́ми мно́гими о благоле́пии церко́внем, и е́же о па́стве твое́й попече́нием Бо́гу угоди́л еси́; наипа́че же по́двигом страда́ния твоего́ за Христа́ да́же до сме́рти И́мя Его́ на земли́ просла́вил еси́! Мо́лим тя́ ны́не, сро́дницы твои́ су́ще: исхода́тайствуй у Влады́ки долготерпели́ваго и всеми́лостиваго Го́спода на́шего Иису́са Христа́ все́м вся́ ко спасе́нию поле́зная: наро́дом Оте́чества на́шего ми́р и к позна́нию Бо́га И́стиннаго ра́зум све́тлый; земли́ Росси́йстей от наше́ствия супоста́т кре́пкое защище́ние; прави́телем му́дрость и вразумле́ние; боля́щим исцеле́ние, плене́нным свобожде́ние, от гла́да и земли́ трясе́ния сохране́ние. Все́м же на́м, о́тче святы́й, да́руй дру́г ко дру́гу любо́вь, я́ко да не и́менем то́кмо, но и са́мым де́лом христиа́ны яви́мся, и в ми́ре доброде́тельное поживе́м житие́ во вся́ком благоче́стии и чистоте́. О, моли́твенниче на́ш те́плый, страстоте́рпче Христо́в Мака́рие! Ты на земли́ живы́й, никого́же презира́л еси́, но и ко враго́м свои́м ми́лостив бы́л еси́; те́мже ны́не, во Ца́рствии Отца́ на́шего на Небеси́ водворя́яся и неизрече́нныя любве́ и благода́ти Его́ наслажда́яся, не забу́ди на́с, убо́гих и немощны́х, твоея́ по́мощи и утеше́ния прося́щих! Да не поги́бнем до конца́, злы́ми на́выки, а́ки пу́тами кре́пкими, окова́ни су́ще и от вселука́ваго врага́, а́ки приста́вника лю́таго, зело́ стужа́еми. Сего́ ра́ди при́зри ми́лостивно, свя́тче Бо́жий, и во обстоя́нии су́щим на́м ру́ку по́мощи ско́ро простри́. На вся́к де́нь мы́сль бла́гу, е́же до́брое твори́ти, в сердца́ на́ша вложи́. Моли́тве умносерде́чней, терпе́нию без ропта́ния и смире́нию нелицеме́рному на́с научи́. Наипа́че же да́руй на́м стра́х Бо́жий, и́же е́сть вся́кия прему́дрости нача́ло, да те́м руководи́ми, вся́ за́поведи Христо́вы ле́гце исполня́ти навы́кнем, и в Не́м вси́ еди́но бу́дем, и невече́рняго дне́ Ца́рствия Его́ дости́гнем, иде́же в ра́дости духо́вней се́рдца, покая́нием очище́ннаго, просла́вим Отца́ и Сы́на и Свята́го Ду́ха, Еди́наго в Тро́ице Святе́й сла́вимаго Бо́га, во ве́ки веко́в. Ами́нь.

Велича́ние:

Велича́ем тя,/ священному́чениче Мака́рие,/ и чтем святу́ю па́мять твою́:/ ты бо мо́лиши за нас// Христа́ Бо́га на́шего.